Trump boðar viðræður við talibana
Setja bókamerki
Forseti Bandaríkjanna, Donald Trump, segir að Bandaríkin hafi hafið að nýju viðræður við talibana en hann fór í óvænta heimsókn til Afganistan þar sem hann hélt þakkargjörðarhátíðina hátíðlega með bandarískum hermönnum.
Trump bauð hermönnum í Bagram-herstöðinni fyrir utan Kabúl upp á kalkún að hætti Bandaríkjamanna, sat fyrir á myndum með hermönnum og flutti ræðu eftir fund með forseta Afganistan, Ashraf Ghani.
„Talibanar vilja gera samkomulag og við erum að hitta þá og segjum þeim að það verði að koma á vopnahléi,“ sagði Trump við fréttamenn.
Um 13 þúsund bandarískir hermenn eru í enn í Afganistan, 18 árum eftir að Bandaríkin gerðu innrás inn í landið í kjölfar hryðjuverkanna 11. september 2001. Trump segir að hann stefni að því að fækka þeim í 8.600 og sagði síðan að hægt sé að fækka þeim mun meira án þess að útskýra orð sín frekar.
Hann sagðist ánægður með að fagna þakkargjörðarhátíðinni á þessum stað með mestu hetjum heimsins að hans mati. Þetta er í fyrsta skiptið sem Trump fer til Afganistan.
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
„Það þarf að vinna mikinn fjölda upp“
„Skýr skilaboð til Seðlabankans“
Handteknir eftir myndatöku í Vesturbæjarlaug
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi