Boris Johnson, forsætisráðherra Bretlands, hefur beðið Donald Trump um að skipta sér ekki af þingkosningunum í Bretlandi 12. desember.

Breska dagblaðið Daily Telegraph greinir frá þessu.

Trump kemur til Lundúna í næstu viku en þar sækir hann meðal annars NATO-þing. Þetta er þriðja heimsókn Trumps til Bretlands síðan hann varð forseti í janúar 2017.

Mun Johnson hafa rifjað upp framgöngu Baracks Obama, forseta Bandaríkjanna, sem sagði að Bretland færi aftast í röðina hvað varðar viðskiptasamninga við Bandaríkin ef landið gengi úr ESB. Stuðningsmenn útgöngu úr ESB gagnrýndu þau ummæli sem inngrip í innanríkismál Bretlands. Til dæmis sagði Nigel Farage, formaður Breska sjálfstæðisflokksins, að með ummælunum væri Obama að tala niður Bretland.

Elísabet Bretlandsdrottning tekur á móti þjóðarleiðtogum í Buckingham-höll þriðjudaginn 3. desember. Haldið er upp á 70 ára afmæli NATO í ár.

Hægt er að kynna sér dagskrá NATO-fundarins hér.

Tengdar fréttir

Kosningar í Bretlandi 2019

„Róttækasta stefnuræða drottningar síðari ára“

• Drekki ekki kampavín með auðkýfingum
• Áfram afgerandi kynslóðabil í breskum stjórnmálum
• Sökuð um að kalla kjósendur heimska
• Sleppur við að synda nakin í Loch Ness

» Fleiri tengdar fréttir

• Blogga um frétt