Vefverslunin Amazon hefur tekið töluvert magn af jólaskrauti úr sölu, svo sem jólakúlur sem skörtuðu myndum af útrýmingarbúðum nasista.
Ástæðan fyrir því að myndir af jólaskrautinu voru fjarlægðar af vef Amazon er færsla á Twitter frá minningarsjóði Auschwitz í Póllandi þar sem vefverslunin er hvött til þess að fjarlægja varninginn af vefnum. Má þar nefna jólakúlur, tappatogara og músarmottur.
Á þeim voru myndir frá útrýmingarbúðum nasista þar sem milljónir voru drepnar í seinni heimsstyrjöldinni.
Til að mynda frá Auschwitz, þar á meðal járnbrautarteinana sem lágu inn um hlið búðanna, gaddavírsgirðingarnar og húsin sem hýstu gyðinga, segir í frétt BBC.
It seems that @amazon has removed all of the "Christmas ornaments" with the images of the former Auschwitz camp. Thank you everyone for your activity and response. https://t.co/VGFnSDMWM9
— Auschwitz Memorial (@AuschwitzMuseum) December 1, 2019