Þrítugur maður er í haldi norsku lögreglunnar grunaður um að hafa drepið fertugan útlending í bænum Lakselv í Finnmörk síðdegis í gær. Þetta kom fram á blaðamannafundi lögreglunnar í gærkvöldi.
Þar kom fram að tæknideild lögreglunnar sé að störfum á vettvangi, rætt sé við fólk sem var á vettvangi. Ekki hefur verið upplýst um þjóðerni þess látna og ekki var búið að ná í ættingja hans. Báðir mennirnir hafa áður komist í kast við lögin.
Samkvæmt frétt iFinmark barst tilkynning til lögreglu klukkan 15:30 og var allt tiltækt lögreglulið sent á vettvang. Maðurinn var úrskurðaður látinn á vettvangi.