Sat í búri við dómsuppkvaðningu
Setja bókamerki
Omar al-Bashir, fyrrverandi forseti Súdans, var í dag dæmdur í tveggja ára gæsluvarðhald. Bashir var dæmdur fyrir spillingu á grundvelli milljóna dollara sem hann fékk frá Sádi-Arabíu en hann mun ekki fara í fangelsi heldur sitja inni í betrunarmiðstöð.
Það er vegna aldurs Bashirs, sem er 75 ára gamall. Súdönsk lög koma í veg fyrir að fólki sem er orðið eldra en 70 ára sé kastað í steininn.
Fleiri kærur beinast að Bashir en þær tengjast valdaráninu árið 1989 sem færði honum völd yfir Súdan, þjóðarmorðum og morðum á mótmælendum sem hann er sagður hafa fyrirskipað fyrr á þessu ári, áður en honum var steypt af stóli í apríl síðastliðnum.
Gert að greiða rúman milljarð
Bashir kom fyrir dóminn í búri íklæddur hefðbundnum hvítum jalabiya-kufli með túrban um höfuð sér. Meðan á réttarhöldunum stóð kölluðu stuðningsmenn Bashirs að réttarhöldin væru pólitísk. Þeim var skipað að yfirgefa dómsalinn en héldu mótmælunum áfram fyrir utan dómshúsið.
Bashir hefði mest getað fengið tíu ára fangelsisdóm. Auk tveggja ára dómsins var honum gert að greiða 6,9 milljónir evra, 351.770 dali og 5,7 milljónir súdanskra punda, en fjárhæðirnar fundust allar á heimili hans. Samsvara þær samanlagt rúmum milljarði íslenskra króna.
Að sögn lögmanna Bashirs verður dómnum áfrýjað.
Kostnaður meiri en milljón á fermetra
„Umsátursástand“
„Hvílir mikil leynd yfir þessu öllu“
Skar höfuðleðrið af íslenskri konu
Vona að Orkustofnun veiti ekki virkjunarleyfi
Skiptir miklu meira máli en fólk grunar
Shakespeare fannst í skókassa