Sýrlenska borgin Raqqa var á sínum tíma eitt helsta vígi Ríkis íslam en samtökin beittu skelfilegu ofbeldi til að halda borgurum í skefjum. Krossfestingar og afhöfðanir voru framkvæmdar á almannafæri. Nú er unnið að því að bera kennsl á fórnarlömbin og færa líf fólks í eðlilegra horf.

Laugardaginn 28. desember fylgir sérblaðið Tímamót með Morgunblaðinu sem unnið er í samstarfi við bandaríska dagblaðið The New York Times. Jafnframt mun mbl.is birta myndskeið með fréttaskýringum bandaríska fjölmiðilsins um einstök mál á alþjóðavettvangi.

Í myndskeiðinu ferðast blaðamaður NYT um Raqqa og ræðir við fólk um lífið undir stjórn ISIS og kynnir sér hvernig aðstæður fólks eru í landinu. Þegar útbreiðsla ISIS var sem mest stýrðu samtökin landsvæði á stærð við Bretland og litið var á Raqqa sem höfuðborg kalífatsins svokallaða.

Varað er við sumum myndanna sem sjást í myndskeiðinu.

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt