Rússneska lögreglan hefur handtekið Alexei Navalny, leiðtoga stjórnarandstöðunnar í landinu.
Lögreglan leitaði einnig í húsakynnum stofnunar hans í Moskvu sem berst gegn spillingu, að sögn talskonu hans.
„Alexei hefur verið tekinn með valdi og leiddur í burtu,“ sagði Kira Yarmysh, talskona hans, á Twitter. „Hann veitti enga mótspyrnu,“ bætti hún við.
Í október síðastliðnum var ráðist inn á kosningaskrifstofur stjórnarandstöðunnar víðsvegar um Rússland. Navalny er einn helsti gagnrýnandi Vladimirs Pútíns, forseta Rússlands.
Uppfært kl. 11.07:
Navalny hefur verið látinn laus úr haldi, að sögn talskonunnar.