Sonur ástralsks sjálfboðaliða sem lést við slökkvistörf 19. desember tók við dyggðarverðlaunum fyrir föður sinn að honum látnum í dag. 

Harvey Keaton, 19 mánaða, klæddist einkennisbúningi þegar hann tók við verðlaununum við jarðarför Geoffreys föður síns nærri Sydney í dag. 

Tugir slökkviliðsmanna mynduðu heiðursskiptingu þegar hann var borinn til grafar, en Keaton og samstarfsmaður hans Andrew O'Dwyer létust 19. desember við slökkvistörf þegar tré féll á slökkvibíl þeirra. O'Dwyer, sem einnig á ungt barn, verður jarðaður í næstu viku. 

Dyggðarverðlaunin voru gefin syni hans Harvey af slökkviliðsstjóra Nýja South Wales, Shane Fitzsimmons. Scott Morrison, forsætisráðherra landsins, var einnig viðstaddur jarðarförina. 

Alls hafa 18 látist í gróðureldunum í Ástralíu síðan í september, þar af sjö í Nýja Suður-Wales síðustu vikuna. Nokkurra er enn saknað. 

Slökkviliðsmenn voru viðstaddir jarðarför Geoffrey Keaton, sem lést þegar tré féll á bíl hans við björgunarstörf. AFP

Frá jarðarför Geoffrey Keaton. AFP

Tengdar fréttir

Gróðureldar í Ástralíu

Loftslagsbreytingar hafa greinileg áhrif

• Milljarðar dýra drápust
• „Það er vatn úti um allt“
• Óbærilegur hiti í Canberra
• Neyðarástand í höfuðborg Ástralíu

» Fleiri tengdar fréttir

• Blogga um frétt