Staðan við Persaflóa „auðvitað alvarleg“
Setja bókamerki
Guðlaugur Þór Þórðarson utanríkisráðherra segir að staðan við Persaflóa sé „auðvitað alvarleg“ og íslensk stjórnvöld hafi hvatt til stillingar svo ekki komi til aukinnar stigmögnunar í átökum á svæðinu. Í kvöldfréttum Stöðvar 2 sagði utanríkisráðherra í beinni útsendingu úr myndveri að mikilvægt væri að alþjóðasamfélagið brygðist við með þeim hætti.
Mikil spenna er nú í Írak og víðar í Mið-Austurlöndum eftir að Bandaríkjamenn réðu Qasam Soleimani, einn áhrifamesta herforingja Írans, af dögum í Bagdað aðfaranótt föstudags. Níu til viðbótar létust í drónaárás Bandaríkjahers, sem hefur leitt til þess að Íraksþing hefur krafist þess að allur erlendur herafli, þar á meðal fjölmennt lið Bandaríkjamanna sem hefur starfað náið með yfirvöldum í Írak, hverfi frá landinu.
Íranar hafi ögrað og ógnað
Guðlaugur Þór lagði áherslu á það í máli sínu í kvöld að árás Bandaríkjamanna á íranska herforingjann hefði ekki verið gerð í tómarúmi, vitað væri að Íranar hefðu ögrað og ógnað Bandaríkjamönnum og bandamönnum þeirra. „Þetta er nokkuð sem hefur verið í gangi mjög lengi,“ sagði Guðlaugur Þór.
Hann sagði viðbrögð Íslands vegna málsins „í samræmi við það sem gerist á Norðurlöndunum og bæði í Þýskalandi og Bretlandi“ og bætti við að Ísland væri nú harla neinn lykilleikari í þessari deilu sem hefur verið efst á baugi í heimsfréttunum um helgina.
Er Sindri Sindrason fréttamaður spurði Guðlaug Þór hver hann teldi að áhrifin af þessari þróun yrðu á Evrópuríki sagðist hann telja að aðallega yrðu áhrifin óbein, „sérstaklega í formi hækkunar eldsneytisverðs en það kemur í ljós á næstu dögum og vikum hvernig mál þróast en við skulum vona að þau þróist með sem bestum hætti.“
„Þögnin er ærandi“
Innviðir þandir og álagið „gríðarlegt“
Þrjú og hálft ár fyrir skotárás í Úlfarsárdal
Bjarkey stendur við skammarbréf Svandísar
Kveðst tala af virðingu: „Ég er enginn dóni“
Kvikan virðist nú skiptast til helminga
Aðeins ein leið fær í Grindavíkurmálum
Sárt að horfa upp á illa meðferð fjármuna