Bandaríkjaher undirbýr brottflutning frá Írak
Dvöl Bandaríkjahers í Írak er senn á enda.
AFP
Setja bókamerki
Yfirmenn bandaríska hersins hafa upplýst samstarfsmenn sína í íraska hernum um að þeir séu að undirbúa brottflutning frá Írak. Yfirlýsingin kemur aðeins degi eftir að Íraksþing samþykkti þingsályktun þar sem þess var krafist að erlendir hermenn yfirgæfu Írak.
Þingsályktunin var sett fram í kjölfar þess að íranski hershöfðinginn Qasem Soleimani var drepinn af Bandaríkjaher aðfaranótt föstudags sl.
Yfirmaður Bandaríkjahers í Írak, William Seely, sendi yfirmönnum íraska hersins skeyti þar sem hann sagði að hersveitir sínar myndu byrja „að færa sig um set á næstu dögum og vikum“.
Fulltrúar varnarmálaráðuneyta Bandaríkjanna og Íraks hafa staðfest tilvist og efni skeytisins.
Bandaríkjaher notaði dróna í árásinni sem leiddi til dauða Qasem Soleimani.
AFP
Æskuvinur Íslendings myrtur í Noregi
Skiptir miklu meira máli en fólk grunar
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
Shakespeare fannst í skókassa
„Hvílir mikil leynd yfir þessu öllu“
Kostnaður meiri en milljón á fermetra