Trump hótar Írökum
Setja bókamerki
Donald Trump, forseti Bandaríkjanna, hótar Írökum hörðum refsiaðgerðum í kjölfar þess að íraska þingið samþykkti að fara fram á að bandarískir hermenn myndu yfirgefa landið.
Að sögn Trump kostaði flugstöð Bandaríkjahers í Írak gríðarlega fjármuni og hafi kostað bandarísku þjóðina milljarða Bandaríkjadala að byggja hana. „Við förum ekki nema þeir endurgreiði okkur,“ sagði Trump við fréttamenn í gærkvöldi.
Mikil spenna er á þessu svæði eftir að Bandaríkjamenn drápu íranska herforingjann Qasem Soleimani í Bagdad í síðustu viku og hafa Íranar hótað hefndum.
Soleimani, sem var 62 ára, var í fylkingarbrjósti í hernaðaraðgerðum Íran í Mið-Austurlöndum og var talinn hryðjuverkamaður af Bandaríkjunum. Líkamsleifar hans hafa verið fluttar til heimalandsins og er gríðarlegur mannfjöldi á götum úti í höfuðborg Írans, Teheran, þar sem Soleimani er minnst.
Nýr yfirmaður Quds-hersveitanna, sem Soleimani leiddi, Esmail Qaani, segir að reynt verði að koma Bandaríkjamönnum frá Mið-Austurlöndum og að hersveitirnar muni halda starfi Soleimani áfram.
Æðstiklerkur Írans, Ayatollah Ali Khamenei, var við útför Soleimeni í morgun og bað bænir yfir kistu herforingjans.
Aðkoman í gripahúsið mjög slæm
Almannavarnir hækka viðbúnað
„Búið að vera í dreifingu í einhvern tíma“
Mun fara sparlega með málskotsréttinn
Segjast hafa skotið niður langdræga sprengjuvél
Hæstiréttur staðfestir vanhæfi alls Landsréttar
29 nautgripir fundust dauðir
Sárt að horfa upp á illa meðferð fjármuna