Fleiri ríki verða sett á bannlistann
Setja bókamerki
Donald Trump Bandaríkjaforseti greindi frá því í dag að ríkisstjórn hans hefði í hyggju að bæta tveimur ríkjum á lista yfir ríki þar sem ríkisborgurum þeirra er annaðhvort meinað að koma til Bandaríkjanna eða þeir sæta verulegum takmörkunum í þeim efnum.
„Við ætlum að bæta tveimur ríkjum á listann. Við verðum að gæta öryggis okkar. Landið okkar verður að vera öruggt,“ sagði Trump á viðskiptaráðstefnunni World Economic Forum í Davos í Sviss. Tilkynnt yrði um nöfn ríkjanna „mjög fljótlega“.
Rifjað er upp í frétt AFP að bandaríska viðskiptablaðið Wall Street Journal hefði áður greint frá því að til stæði að bæta sjö ríkjum á listann og þar á meðal Nígeríu, fjölmennasta ríki Afríku, sem og fleiri ríkjum í Afríku og Asíu. Ríki til skoðunar væru Hvíta-Rússland, Erítrea, Kirgistan, Búrma, Súdan og Tansanía.
Listinn var kynntur til sögunnar fljótlega eftir að Trump tók við forsetaembættinu í byrjun árs 2017 og hefur verið mjög umdeildur. Þau ríki sem þegar eru fyrir á listanum eru Íran, Líbía, Sómalía, Sýrland, Jemen og Norður-Kórea. Tsjad var einnig um tíma á listanum.
Markaðurinn hitnar og leiguverð hækkar hratt
„Þögnin er ærandi“
„Það er skiljanlegt að þolinmæði þeirra sé lítil“
Kvikan virðist nú skiptast til helminga
Starfsfólk gæti fengið reikning frá Skattinum
Kveðst tala af virðingu: „Ég er enginn dóni“
Hjón sluppu með skrekkinn