Fyrirhuguð útganga Bretlands úr Evrópusambandinu 31. janúar verður að ýta við forystumönnum sambandsins að mati Angelu Merkel, kanslara Þýskalands.

Varar Merkel við því í samtali við breska viðskiptablaðið Financial Times að eftir útgönguna úr Evrópusambandinu verði Bretland efnahagslegur samkeppnisaðili sambandsins. Mikilvægt sé að Evrópusambandið verði samkeppnishæfara til þess að bregðast við þeirri áskorun sem felist í útgöngu Bretlands og frá Bandaríkjunum og Kína.

Haft er eftir Merkel á fréttavef breska dagblaðsins Daily Telegraph að Evrópusambandið eigi á hættu að lenda á milli í viðskiptaátökum Bandaríkjamanna og Kínverja. Hins vegar gæti sambandið reynt að komast hjá því að sú verði raunin.

Fram kemur í fréttinni að viðbúið sé að ummæli kanslarans verði til þess að framkvæmdastjórn Evrópusambandsins verði enn ákveðnari en áður í kröfu sinni um að Bretar fylgi áfram ýmsum reglum þess í skiptum fyrir viðskiptasamning.

Þar segir að ráðamenn Evrópusambandsins hafi af því áhyggjur að Bretar grípi til aðgerða meðal annars í skattamálum og varðandi umfang regluverks til þess að verða samkeppnishæfari en sambandið eftir að þeir hafa gengið úr því.

Tengdar fréttir

Brexit

Fríverslunarsamningurinn formlega genginn í gildi

• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar
• Írar fá 135 milljarða Brexit-stuðning

» Fleiri tengdar fréttir

• Blogga um frétt