Á fundi neyðarnefndar Alþjóðaheilbrigðisstofnunarinnar, WHO, 22. janúar voru nefndarmenn ósammála um hvort útbreiðsla kórónaveiru skyldi skilgreind sem alþjóðleg lýðheilsuvá, en nefndin komst að sameiginlegri niðurstöðu um að málið væri brýnt og að nefndin myndi funda á ný innan fárra daga, að því er fram kemur í tilkynningu á vef stofnunarinnar.

„Gera má ráð fyrir því að smit haldi áfram að berast yfir landamæri og að smit geti greinst í hvaða landi sem er,“ segir í niðurstöðu nefndarinnar. Er því mat hennar að öll ríki þurfi að vera undir það búin að þurfa að bregðast við í þeim tilgangi að hindra frekari útbreiðslu veirunnar, meðal annars með virku eftirliti til þess að tryggja uppgötvun smita á fyrri stigum, einangrun, rekja smit og koma í veg fyrir frekari útbreiðslu.

Biðlar nefndin til ríkja að tryggja að nákvæmar og ítarlegar upplýsingar um smit berist stofnuninni í takt við alþjóðlegar skuldbindingar þeirra.

Frétt af mbl.is

26 látnir og 830 smitaðir

Þá hefur neyðarnefndin lagt fram sérstakar kröfur gagnvart kínverskum stjórnvöldum og eru þau meðal annars beðin um að skima brottfararfarþega á flugvöllum og höfnum á svæðum þar sem smit hefur greinst. Jafnframt er beðið um að skimanir fari fram á innanlandsflugvöllum, lestarstöðvum og rútustöðvum.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt