Tump segir ummæli Boltons vera sölubrellu
Setja bókamerki
Forseti Bandaríkjanna, Donald Trump, neitaði í dag að hafa sagt John Bolton, fyrrverandi þjóðaröryggisráðgjafa Hvíta hússins, að hernaðaraðstoð til Úkraínu væri háð því skilyrði að stjórnvöld þar myndu rannsaka pólitískan andstæðing hans.
Þetta kemur fram í færslu Trumps á Twitter en í gær birti New York Times frétt þar sem fram kemur að Bolton staðhæfi þetta í bók sem hann er að gefa út. „Ef John Bolton segir þetta þá er það bara til þess að selja bókina,“ skrifar Trump á fjölmiðil sinn — Twitter.
Samkvæmt óbirtu handriti Boltons á Trump að hafa sagt Bolton að hann vildi frysta 391 milljón Bandaríkjadala sem var eyrnamerkt sem aðstoð fyrir Úkraínu þangað til stjórnvöld í Kænugarði myndu hefja rannsókn á demókratanum Joe Biden.
Trump var kærður fyrir embættisbrot í síðasta mánuði. Demókratar hafa farið fram á að embættismenn í valdatíð Trumps beri vitni, þar á meðal Bolton og Mick Mulvaney, skrifstofustjóri Hvíta hússins. Telja demókratar að þeir tveir viti ýmislegt um samninga Trumps í Úkraínu. Bolton segir að hann sé reiðubúinn til þess verði honum stefnt fyrir dóm.
Bifreið ekið á skrifstofu Útlendingastofnunar
Áverkar bentu til manndráps
Baldur: „Ég ætla að svara þessu kalli“
/frimg/1/48/63/1486389.jpg)
Halla ekki verið að taka harða afstöðu
Átta morðmál á aðeins tólf mánuðum
Segir nýtt frumvarp gefa eldisfyrirtækjum auðlindir
Búið að bólusetja börn alla helgina