Jarðskjálfti af stærðinni 7,7 varð í Karíbahafinu, norðvestan við Jamaíka, um klukkan 19:10 að íslenskum tíma. Flóðbylgjuviðvörun hefur verið gefin út.
Skjálftinn fannst vel í Havana, höfuðborg Kúbu þar sem fjöldi bygginga var rýmdur í kjölfar jarðskjálftans. Engar fregnir hafa borist af mann- eða eignatjóni.
Samkvæmt Jarðvísindastofnun Bandaríkjanna varð skjálftinn á tíu kílómetra dýpi 125 kílómetra norðvestur af Jamaíka.
Þarlendir fjölmiðlar greina frá því að skjálftinn hafi einnig fundist í Guantanamo og Santiago de Cuba og Cienfuegos á Kúbu.
Uppfært klukkan 22:04:
Flóðbylgjuviðvörun í kjölfar skjálftans hefur verið afturkölluð.