Hafnaði utan flugbrautar og brotnaði í tvennt

Flugvél með 177 farþega um borð lenti í vandkvæðum við lendingu á Sabiha Gokcen-flugvellinum í Istanbúl í Tyrklandi og hafnaði utan flugbrautar með þeim afleiðingum að flugvélin brotnaði í tvennt.

Samkvæmt yfirvöldum í Tyrklandi lést enginn í slysinu en ekki liggur fyrir hve margir eru slasaðir. Jafnvel er talið að einhverjir sitji fastir í flugvélinni. Eldur kviknaði um borð en var fljótlega slökktur.

Vont veður er í Istanbúl og á myndskeiði af slysinu má sjá farþega klifra út um stóra sprungu í flugvélinni og komast til jarðar með því að klifra niður væng flugvélarinnar.

Um var að ræða flugvél tyrkneska lággjaldaflugfélagsins Pegasus Airlines, sem var að koma frá borginni Izmir.

AFP

• Blogga um frétt