Kórónuveiran heitir núna Covid-19
Setja bókamerki
Kórónuveiran skæða sem á rætur sínar að rekja til Kína hefur fengið nafnið Covid-19.
Tedros Adhanom Ghebreyesus, yfirmaður Alþjóðaheilbrigðismálastofnunarinnar, greindi frá þessu á blaðamannfundi í Genf í dag. „Co“ stendur fyrir „kórónu“ og „vi“ fyrir „veiru“ og „d“ fyrir „disease“ [sjúkdóm].
Nafnið var valið til að koma í veg fyrir að vísað væri í tiltekið landsvæði, dýrategund eða hóp af fólki í tengslum við veiruna.
Stofnunin hafði áður gefið veirunni bráðabirgðanafnið 2019-nCoV-öndunarfærasjúkdómurinn. Heilbrigðisyfirvöld í Kína sögðust fyrr í þessari viku ætla að kalla veiruna „nýju lungnabólgu-kórónuveiruna“ eða NCP.
Yfir eitt þúsund látnir
Yfir eitt þúsund manns eru látnir í Kína af völdum Covid-19 og segir Alþjóðaheilbrigðismálastofnunin faraldurinn vera „mjög alvarlega“ alþjóðaógn.
Rúmlega 42 þúsund manns hafa smitast í 25 löndum.
Greint var frá 108 dauðsföllum til viðbótar í dag vegna veirunnar, sem fyrst greindist 31. desember.
„Það þarf að vinna mikinn fjölda upp“
Skar höfuðleðrið af íslenskri konu
Skiptir miklu meira máli en fólk grunar
Krefjast stöðvunar framkvæmda
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss