Flugvél á vegum bandarískra yfirvalda verður send til Japan í dag í þeim tilgangi að sækja bandaríska ríkisborgara sem hafa verið í sóttkví í skemmtiferðaskipinu Diamond Princess í tæpar tvær vikur. 

Rúmlega 3.700 manns voru í skipinu og hafa að minnsta kosti 285 þeirra smitast af COVID-19 kórónuveirunni. Hin smituðu hafa verið flutt frá borði en aðrir farþegar eru enn í sóttkví. 

Frétt af mbl.is

Ástarbátur: Valentínusardagur í sóttkví

Bandaríkjamennirnir verða áfram í sóttkví þegar heim er komið, í að minnsta kosti tvær vikur. Um 400 Bandaríkjamenn eru um borð í skipinu. 

Flugvél á vegum bandarískra yfirvalda verður send til Japan í dag í þeim tilgangi að sækja bandaríska ríkisborgara sem hafa verið í sóttkví í skemmtiferðaskipinu Diamond Princess í tæpar tvær vikur. AFP

„Farþegarnir verða skoðaðir vegna mögulegra einkenna og við erum í samstarfi við japönsk yfirvöld. Ef grunur um smit vaknar munu þeir fá bestu mögulegu meðhöndlun í Japan þar sem þeir geta ekki farið heim með flugvélinni,“ segir í tilkynningu frá bandaríska sendiráðinu í Tókýó. 

Í tilkynningunni segir einnig að þeir Bandaríkjamenn sem neiti eða afþakki að fara með vélinni munu ekki geta snúið aftur til Bandaríkjanna í ákveðinn tíma á meðan hætta á útbreiðslu veirunnar varir. 

Farþegar um borð í Diamond Princess verða í sóttkví að minnsta kosti til 19. febrúar.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt