Trump: Ég hef fullan rétt á afskiptum af dómsmálum
Setja bókamerki
Donald Trump Bandaríkjaforseti segir sig hafa „fullan lagalegan rétt“ til þess að skipta sér af sakamálum sem eru fyrir dómi. Þetta kemur fram í Twitter-færslu forsetans en William Barr dómsmálaráðherra sagði í sjónvarpsviðtali á fimmtudag að tíst forsetans grafi undan starfi hans sem dómsmálaráðherra og geri honum nánast ómögulegt að sinna starfi sínu.
„Ég held það sé kominn tími til að hætta að tísta um málefni dómsmálaráðuneytisins,“ sagði Barr í viðtali við fréttastofu ABC, en mál Rogers Stone, fyrrverandi stjórnmálaráðgjafa forsetans sem hefur verið sakfelldur fyrir að hindra framgang réttvísinnar, að bera ljúgvitni fyrir þingi og hafa áhrif á framburð annarra vitna, hefur verið í hámæli undanfarna daga.
Ummæli Barr eru sögð bera merki þess að dómsmálaráðherrann sé orðinn þreyttur á framgöngu forsetans, en hann hefur hingað til verið talinn banda- og stuðningsmaður Trump.
Trump segir einnig í færslu sinni að hann hafi aldrei skipt sér af neinum málum er varða dómsmálaráðuneytið, en hann hafi til þess fullan rétt. „En hingað til hef ég ekki kosið að nýta hann,“ segir í færslu Trump.
Moses Hightower og Prins Póló gefa út eyjalag
Bifreið ekið á skrifstofu Útlendingastofnunar
Tapa fimm milljónum á dag
Vona að Orkustofnun veiti ekki virkjunarleyfi
Áköf mótmæli í bandarískum háskólum
Æskuvinur Íslendings myrtur í Noregi