Í dag var flogið fyrsta farþegaflug í átta ár til borgarinnar Aleppo í Sýrlandi, en uppreisnarmenn réðu borginni á árunum 2012-2016. Nýlega náði stjórnarherinn, með stuðningi frá Rússum, yfirráðum yfir síðustu svæðunum norðvestur af Aleppo sem voru undir stjórn uppreisnarmanna.
Það var ríkisflugfélagið Syrian Air sem flaug á milli höfuðborgarinnar Damascus og Aleppo, en borgin var fyrir stríðið efnahagslega mikilvæg. Vonast ríkisstjórn landsins nú eftir að farþegaflug þangað verði eitt af mörgum skrefum í átt að því að byggja undir efnahag borgarinnar að nýju. Flogið var á Airbus A320-232-vél.
Þá hefur stjórnarherinn einnig náð yfirráðum yfir M5-hraðbrautinni sem liggur á milli borganna tveggja, en búist er við að hann verði tekinn í notkun aftur innan fárra daga.
Aleppo Airport is open again after being closed for more than 8 years. Track the first flight at https://t.co/asX6Dwvqxb pic.twitter.com/HZ8sRIyVs9
— Flightradar24 (@flightradar24) February 19, 2020