Dregur úr fjölda smitaðra í Kína
Setja bókamerki
Aldrei hafa færri ný tilfelli af kórónaveirunni COVID-19 greinst í Kína eins og í dag. Á meðan í öðrum löndum hefur þeim fjölgað. Í Kína hafa alls 2.118 manns látist af völdum veirunnar og yfir 74 þúsund manns greinst með hana í Kína. Um hundrað til viðbótar í yfir 25 löndum hafa greinst með hana og utan Kína hafa 11 manns látist af völdum hennar.
Í Japan hafa alls þrír látist vegna kórónuveirunnar. Tveir þeirra, karl og kona, voru á níræðisaldri og voru farþegar um borð í skemmtiferðaskiptinu Diamond Princess. Ríflega 620 manns um borði í skipinu hafa greinst með veiruna, flestir farþegar.
Í Suður-Kóreu hefur einn látist af völdum veirunnar og fjöldi smitaðra nánast tvöfaldaðist á skömmum tíma. Sá fjöldi er nú kominn upp í 104 og af þeim liggja 15 á sjúkrahúsi í Cheongdo.
Borgarstjóri Daegu, borgar sem telur um 2,5 milljónir manna, ráðlagði íbúum að halda sig innan dyra.
Fyrstu dauðsföllin af völdum veirunnar í Miðausturlöndum varð í Íran í gær. Fram að þessu hafa dauðsföll verið bundin við Frakkland, Taívan, Hong Kong og Filippseyjar.
„Skýr skilaboð til Seðlabankans“
„Hvílir mikil leynd yfir þessu öllu“
Skiptir miklu meira máli en fólk grunar
„Á réttri leið en nokkuð í land ennþá“
Tóku upp hanskann fyrir leikskólabörn
Vona að Orkustofnun veiti ekki virkjunarleyfi
Vélsleðaslys: Þyrlan kölluð út á mesta forgangi
Hernaðaraðstoð samþykkt – Vopnasendingar í vikunni