Bresk stjórnvöld munu í dag greina opinberlega frá sjónarmiðum sínum vegna viðskiptaviðræðna sinna við Evrópusambandið í kjölfar Brexit sem hefjast á mánudag.

Þrátt fyrir að samningaviðræðurnar séu ekki hafnar opinberlega hafa Bretar og ESB meðal annars tekist á um hvernig réttindum í tengslum við fiskveiðar skuli háttað.

Tveimur dögum eftir að ráðherrar ESB samþykktu sameiginlega nálgun sína mun ríkisstjórn Boris Johnson forsætisráðherra greina frá sínum forgangsmálum.

Þegar Bretar yfirgáfu ESB 31. janúar ákváðu báðir aðilar að aðlögunarferli stæði yfir til 31. desember. Klukkan tifar og enn sem komið er hefur lítið þokast áfram í þeim viðræðum sem farið hafa fram. 

Tengdar fréttir

Brexit

Fríverslunarsamningurinn formlega genginn í gildi

• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar
• Írar fá 135 milljarða Brexit-stuðning

» Fleiri tengdar fréttir

• Blogga um frétt