Ferðabann Trumps gildir um Ísland
Setja bókamerki
Ferðabannið sem bandarísk yfirvöld hafa sett frá Evrópu nær til allra þeirra sem verið hafa á Schengen-svæðinu undanfarna 14 daga. Nær bannið þannig til Austurríkis, Belgíu, Tékklands, Danmerkur, Eistlands, Finnlands, Frakklands, Þýskalands, Grikklands, Ungverjalands, Íslands, Ítalíu, Lettlands, Liechtenstein, Litháen, Luxemburg, Möltu, Hollands, Noregs, Póllands, Portúgals, Slóvakíu, Slóveníu, Spánar, Svíþjóðar og Sviss.
Þetta kemur fram í yfirlýsingu frá innanríkisráðuneyti Bandaríkjanna, sem send var út eftir tilkynningu Donalds Trump Bandaríkjaforseta.
Bannið nær þannig ekki til Bretlands, þrátt fyrir að kórónuveirusmit þar séu orðin á fimmta hundrað og dauðsföll átta. Í tilkynningu sinni vegna málsins sagði Trump að Evrópulönd hefðu brugðist seint og illa við kórónuveirufaraldrinum, öfugt við bandarísk yfirvöld, og að Evrópubúar hafi borið kórónuveiruna með sér til Bandaríkjanna.
Í Bandaríkjunum hafa ríflega 1.300 tilfelli kórónuveirunnar komið upp og eru dauðsföll að nálgast 40.
Ferðabannið nær ekki til þeirra sem eiga lögheimili í Bandaríkjunum eða ættingja bandarískra ríkisborgara og á ekki við um viðskipti á milli Bandaríkjanna og Evrópu. Það kom fram í máli Trump þegar hann tilkynnti ferðabannið, en hann dró þau orð sín síðar til baka.
Ferðabann þetta tekur gildi á miðnætti á morgun, föstudag, og gildir í 30 daga.
Sagði Trump enga hættu á fjármálakreppu vegna þessa. Þetta væri vandamál sem ætti eftir að standa yfir í stuttan tíma. Þá kynnti hann áætlanir um neyðaraðgerðir til þess að aðstoða starfsmenn sem verða af launum við að smitast. Eins sagðist hann búinn að biðja þingið um að losa um 50 milljarða Bandaríkjadala í lánasjóð fyrir smærri fyrirtæki. Þá kallaði forsetinn eftir tafarlausum niðurskurði á tekjuskatti.
Hægagangur og vaxandi ókyrrð
Gerir ráð fyrir 150 samningum í næstu viku
Nauðgaði kærustu sinni og tók það upp
Segjast hafa skotið niður langdræga sprengjuvél
Ný staða uppi og óvissan meiri
Almannavarnir auka viðbúnað
Hafa „ágætis tíma“ til úrbóta
29 nautgripir fundust dauðir