Harvey Weinstein, sem fundinn var sekur um nauðgun og kynferðislega árás, fékk hjartaáfall í kjölfar þess að 23 ára fangelsisdómur var kveðinn upp yfir honum í gær.
Þetta segir talsmaður fyrrverandi kvikmyndaframleiðandans en að hans sögn var hjartaáfallið vægt. New York Times greinir frá.
Weinstein hefði mest getað fengið 29 ára dóm fyrir brotin tvö samanlögð. Báðum konunum sem Harvey var dæmdur fyrir að hafa brotið á var fagnað ákaflega er þær gengu inn í dómsalinn í gær ásamt fjórum vitnum.