Eng­in ný kórónuveirusmit inn­an­lands voru til­kynnt í Kína í gær, þriðja daginn í röð. Hins vegar greindu kínversk heilbrigðisyfirvöld frá þvi að enn fjölgaði í hópi þeirra sem sneru smitaðir heim til Kína frá öðrum löndum.

Hægt hefur á smiti í Kína á síðustu vikum á meðan faraldurinn hefur náð mikilli útbreiðslu í Evrópu og Bandaríkjunum.

Tedros Adhanom Ghebreyesus, framkvæmdastjóri Alþjóðaheilbrigðisstofnunarinnar WHO, hrósaði Kínverjum fyrir það hvernig þeim gekk að hefta útbreiðsluna í Wuhan, þar sem kórónuveiran kom fyrst fram í lok síðasta árs. 

„Wuhan veitir heiminum von um að það sé hægt að snúa erfiðri stöðu við,“ sagði Ghebreyesus á fréttamannafundi í gær.

Alls var tilkynnt 41 smit síðasta sólarhringinn vegna fólks sem kom aftur til Kína eftir ferðalag utan landsteinanna. Hafa slík smit ekki verið fleiri á sólarhring.

Alls hafa 269 ferðalangar komið með kórónuveiruna til Kína. Höfuðborgin Peking og aðrir staðir hafa gripið til þess ráðs að setja alla í 14 daga sóttkví við komuna þangað. Auk þess hafa verið gerðar fjöldatakmarkanir á ferðalöngum sem fá að koma til Kína.

Alls hafa rúmlega 81 þúsund smitast í Kína og 3.255 dauðsföll, þar af sjö á síðasta sólarhring.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Wu­h­an veit­ir heim­in­um von