Norðmenn vilja stofna styrktarsjóð innan Sameinuðu þjóðanna til að hjálpa fátækum þjóðum að berjast við kórónuveiruna.

„Við höfum áhyggjur af áhrifunum sem vírusinn getur haft á þróunarlöndin sem eru með viðkvæmari heilbrigðiskerfi,“ sagði Dag Inge Ulstein, ráðherra þróunaraðstoðar.

„Alþjóðleg samstaða þvert á landamæri er mikilvægari en nokkru sinni fyrr. Þess vegna er mikilvægt fyrir okkur að setja fjármagn í slíkan sjóð hjá Sameinuðu þjóðunum,“ bætti hann við.

Búist er við því að sjóðurinn verði stofnaður fljótt og jafnvel í þessari viku.

Í gær höfðu yfir 324 þúsund tilfelli kórónuveirunnar greinst í 171 landi, samkvæmt talningu AFP-fréttastofunnar, og að minnsta kosti 14.396 látist.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt