Útfararstofur í Vín í Austurríki bjóðast til þess að senda jarðarfarir út í gegnum streymi á netinu vegna fólksfjöldatakmarkana í tengslum við kórónuveirufaraldurinn.

Samkomur þar sem fimm eða fleiri koma saman eru bannaðar í Austurríki.

Stærsta útfararstofan í Vín hóf fyrir helgi að senda jarðarfarir út í streymi.

Hafa sex jarðarfarir verið sendar út í streymi og segir Jacob Homan, eigandi útfararstofunnar, að fleiri hafi áhuga á þessari ókeypis þjónustu.

„Það er auðvitað erfitt fyrir marga að komast ekki í jarðarfarir,“ sagði Homan í samtali við AFP.

Jarðarfarirnar eru teknar upp á síma og sendar út í gegnum forrit. Þeir sem ætla að fylgjast með fá sent sérstakt lykilorð til þess.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt