Sameinuðu þjóðirnar hvetja til þess að föngum í áhættuhópi verði sleppt úr fangelsum til að koma í veg fyrir að þeir smitist af kórónuveirunni. Þetta kemur fram í yfirlýsingu Michelle Bachelet, mannréttindastjóra Sameinuðu þjóðanna. AFP-fréttastofan greinir frá.

„COVID-19 er byrjað að stinga sér niður í fangelsum, miðstöðvum fyrir innflytjendur, á hjúkrunarheimilum og geðsjúkrahúsum, en á þessum stöðum er okkar viðkvæmasta fólk,“ sagði Bachelet meðal annars í yfirlýsingu sinni.

Frétt af mbl.is

Óttast lélegar sóttvarnir í fangelsum

„Ég hvet yfirvöld til að skoða leiðir til þess að láta lausa þá sem eru í áhættuhópi, eldri og veika fanga, sem og þá sem sitja inni fyrir væg afbrot,“ sagði hún jafnframt.

Hvergi í heim­in­um er hlut­fall fanga jafn hátt og í Banda­ríkj­un­um, en sér­fræðing­ar hafa varað við því að þegar smit grein­ist í fang­elsi muni það breiðast hratt út þar. 

Um 2,2 millj­ón­ir fang­ar eru í banda­rísk­um fang­els­um en það er tæp­lega fjórðung­ur allra fanga í heim­in­um. Mannúðarsam­tök, lækn­ar og þing­menn hafa varað við af­leiðing­um þess þegar kór­ónu­veir­an fer að herja á fang­elsi lands­ins. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt