Ítölsk yfirvöld hafa ákveðið að framlengja samkomubann í landinu að minnsta kosti til 12. apríl en það átti að renna út á föstudaginn. Fyrirtækjum í landinu verður einnig áfram lokað vegna kórónuveirunnar.
Alls hefur 11.591 manneskja látið lífið á Ítalíu af völdum veirunnar.
Giuseppe Conte, forsætisráðherra Ítalíu, segir að allar breytingar varðandi sóttkví verða teknar í litlum skrefum til að koma í veg fyrir að veiran breiðist enn frekar út.