Málverki eftir hollenska meistarann Vincent van Gogh var stolið snemma í morgun frá safni sem var lokað vegna kórónuveirunnar.

Málverkið var málað árið 1884 og kallast „Parsonage Garden at Neunein in Spring“. Það hafði hangið uppi í safninu Singer Laren skammt frá Amsterdam.

Þjófarnir brutust í gegnum glerhurð og tóku málverkið, sem er metið á allt að sex milljónir evra, eða um 930 milljónir íslenskra króna. „Ég er í áfalli og ótrúlega fúll yfir þessum þjófnaði,“ sagði einn af stjórnendum safnsins, Jan Rudolph de Lorm. „Fólk á að geta séð listaverk, notið þeirra, fengið innblástur frá þeim og öðlast ró, sérstaklega á þessum erfiðu tímum sem nú eru uppi,“ sagði hann.  

Frá blaðamannafundi fyrir utan safnið. AFP

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt