Úr ráðstefnuhöll í spítala á fimm dögum
Setja bókamerki
Bretar hafa breytt ráðstefnuhöllinni ExCel í Lundúnum í spítala til að bregðast við útbreiðslu kórónuveirunnar. Verkið tók aðeins fimm daga.
Spítalinn hefur fengið nafnið Nightingale-spítalinn. Um 500 rúm eru þegar klár en þegar búið verður að innrétta spítalann að fullu verður pláss fyrir 4.000 sjúklinga hverju sinni. Búist er við að spítalinn verði tekinn í notkun í lok vikunnar.
Til stendur að reisa tvo bráðabirgðaspítala til viðbótar, í Birmingham og Manchester.
Dauðsföllum af völdum kórónuveirunnar hefur fjölgað hratt í Bretlandi síðustu daga. Í gær var tilkynnt 381 nýtt dauðsfall, sem er það mesta á einum degi til þessa, og tvöfalt fleiri dauðsföll en greint var frá í fyrrdag.
Alls hafa 1.793 látið lífið og 25.499 greinst með veiruna í Bretlandi. 179 hafa náð fullum bata.
Æskuvinur Íslendings myrtur í Noregi
Krefjast stöðvunar framkvæmda
„Umsátursástand“
Kostnaður meiri en milljón á fermetra
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
„Á réttri leið en nokkuð í land ennþá“