Breskur karlmaður hefur verið dæmdur í sex mánaða fangelsi fyrir að stela úr sjúkrabíl við spítala í suðurhluta Lundúna síðustu helgi. 

Mark Manley, sem er er 35 ára, stal hlífðarfatnaði, grímum og handspritti úr sjúkrabílnum auk þess sem hann réðst á öryggisvörð við spítalann sem varð var við þjófnaðinn. Manley játaði fyrir dómi þegar málið var tekið fyrir í dag. Hluti hlífðarfatnaðarins sem hann stal var þegar notaður. 

Dæmt var í öðru máli í gær sem tengist kórónuveirufaraldrinum þegar 55 ára maður var dæmdur í sex mánaða fangelsi fyrir að hósta á lögreglumann og hóta því að smita hann af COVID-19. 

Bæði brotin heyra undir lög sem fjalla um árásir á viðbragðsaðila sem tóku gildi fyrir tveimur árum. Hámarksrefsing fyrir brot sem heyra undir lögin er 12 mánaða fangelsi.

Maðurinn stal hlífðarfatnaði, grímum og handspritti úr sjúkrabílnum auk þess sem hann réðst á öryggisvörð við spítalann sem varð var við þjófnaðinn. AFP

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt