Um 1.500 létust á einum sólarhring í Bandaríkjunum
Setja bókamerki
1.480 manns létust síðastliðinn sólarhring af völdum kórónuveirunnar í Bandaríkjunum, en aldrei hafa fleiri látist í einu landi á svo skömmum tíma vegna veirunnar. Alls hafa nú 7.406 dauðsföll verið staðfest af völdum veirunnar þar í landi, en yfir 270 þúsund hafa smitast. Um er að ræða tölur frá John Hopkins-háskólanum. AFP-fréttastofan greinir frá.
Staðan er einna verst í New York þar sem gjörgæsludeildir eru yfirfullar. Í borginni hafa 57 þúsund smit verið staðfest og tæplega 1.900 látist. Á fimmtudagskvöld hvatti Bill de Blasio, borgarstjóri New York, íbúa til að hylja vit sín með klút, trefli eða heimatilbúinni lausn á förnum vegi. Ekki nota sérstakar hlífðargrímur því þær væru ætlaðar heilbrigðisstarfsfólki.
Í gær fylgdi svo Donald Trump, forseti Bandaríkjanna, fordæmi Blasios, og hvatti alla Bandaríkjamenn til að hylja vit sín. Þó hefur verið tekið fram að grímurnar komi ekki í staðinn fyrir félagsforðun og reglulegan handþvott.
Þrír fjórðu Bandaríkjamanna sæta nú einhvers konar útgöngubanni.
Segjast hafa skotið niður langdræga sprengjuvél
Hægagangur og vaxandi ókyrrð
Myndskeið: Segjast hafa skotið niður sprengjuflugvél
„Búið að vera í dreifingu í einhvern tíma“
Færa slökkviliðið til nútímans
Almannavarnir auka viðbúnað
Nauðgaði kærustu sinni og tók það upp
Mun fara sparlega með málskotsréttinn