Giuseppe Conte, forsætisráðherra Ítalíu, er sagður ætla að framlengja flestar þær aðgerðir sem hefur verið gripið til í landinu vegna kórónuveirunnar þangað til snemma í maí.

Í dagblaðinu Corriere della Sera kemur fram að Conte muni tilkynna þetta annaðhvort í dag eða á morgun. Þetta þýðir til dæmis að Ítalir geta ekki farið í göngutúra eða í almenningsgarða fyrr en 3. maí.

Giuseppe Conte, forsætisráðherra Ítalíu. AFP

Alls hafa 18.279 látist af völdum Covid-19 á Ítalíu síðan í lok febrúar, sem er það mesta í heiminum. Þó hefur dregið úr aukningu tilfella að undanförnu.

Dagblaðið segir að Conte muni láta undan þrýstingi og leyfa litlum fyrirtækjum að opna á nýjan leik þegar þær hömlur sem eru núna í gangi renna út 13. apríl. Bókabúðir eru þar á meðal.

Hjólandi kona með andlitsgrímu á Ítalíu. AFP

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt