Hillary Clinton, fyrrverandi forsetaframbjóðandi Demókrataflokksins og fyrrverandi forsetafrú, hefur bæst í hóp þeirra sem styðja Joe Biden í framboði hans til forseta Bandaríkjanna.
„Ég vil bæta minni rödd í hóp þeirra sem hvetja þig áfram til forsetaframboðs,“ sagði Clinton á fjarfundi með varaforsetanum fyrrverandi í dag.
„Ég vildi að þú værir forseti núna. Hugsið ykkur að hafa alvöru forseta en ekki einhvern sem þykist vera það fyrir framan myndavélarnar,“ bætti hún við.