Engin merki um að Kim hafi lagst undir hnífinn
Setja bókamerki
Ekkert er til í þeim sögusögnum um að Kim Jong-un, leiðtogi Norður-Kóreu, hafi gengist undir hjartaaðgerð nýlega. Þetta fullyrðir leyniþjónusta Suður-Kóreu.
Orðrómur þess efnis að leiðtoginn væri heilsuveill, eða jafnvel allur, fór á flug eftir að Kim var ekki viðstaddur afmælishátíð afa síns 15. apríl. Í síðustu viku kom hann fram við opnun nýrrar áburðaverksmiðju í heimalandinu og var það í fyrsta skipti í 20 daga sem sást opinberlega til leiðtogans.
Forstjóri suður-kóresku leyniþjónustunnar kom fyrir þingnefnd í dag þar sem hann sagði ekkert benda til þess að heilsu Kim væri farið að hraka. Hann hefur þó einungis komið 17 sinnum fram opinberlega á þessu ári, en vanalega væru skiptin um 50 um þetta leyti árs.
Kim Byung-kee, þingmaður á suður-kóreska þinginu benti á að ástæðuna mætti rekja til kórónuveirufaraldursins, jafnvel þótt engin tilfelli hafi verið opinberlega staðfest í Norður-Kóreu. „Það er ekki hægt að útiloka að faraldurinn hafi breiðst út í Norður-Kóreu,“ segir þingmaðurinn.
Þetta er ekki í fyrsta sinn sem Kim hverfur af sjónarsviðinu um tíma. Árið 2014 sást ekki til hans í 40 daga áður en hann dúkkaði upp á ný, en studdist þá við staf.
/frimg/1/48/63/1486389.jpg)
Halla ekki verið að taka harða afstöðu
Áköf mótmæli í bandarískum háskólum
Fara ekki lengur fram á einangrun yfir Davíð
Myndskeið: „Fólk var komið ískyggilega nálægt“
Áverkar bentu til manndráps
Katrín: Jóhönnustjórnin talaði máli Íslands
Fiskikóngurinn: „Mér fannst sárt að heyra það“
„Mér finnst Halla Hrund svona Vigdísarleg“