Yfir 20 þúsund dauðsföll í Brasilíu
Setja bókamerki
Brasilía er sjötta landið í heiminum þar sem fleiri en 20 þúsund dauðsföll vegna kórónuveirufaraldursins hafa verið staðfest. Tæplega 1.200 létust þar í landi vegna veirunnar síðastliðinn sólarhring.
Sérfræðingar vara við því að enn séu nokkrar vikur í að hápunkti faraldursins verði náð í Brasilíu og ófullnægjandi skimanir valdi því að dánartölur séu líklega mun hærri en opinberu tölurnar.
Jair Bolsonaro, forseti Brasilíu, hefur reynt að gera sem minnst úr veirunni og sagði í vikunni að fólk hefði „óþarfa áhyggjur yfir smá flensu“.
Heilbrigðisráðuneyti landsins gaf í vikunni út ráðleggingar um að læknar gefi út lyfseðla fyrir malaríulyfin Chloroquine og Hydroxychloroquine til allra sem eru með einkenni kórónuveirunnar, sama hversu lítil einkennin eru. Þetta hefur Bolsonaro þrýst á þrátt fyrir að litlar sem engar sönnur séu á að lyfin gagnist við COVID-19.
Íslendingar ein mest einmana þjóð heims
Áköf mótmæli í bandarískum háskólum
Segir nýtt frumvarp gefa eldisfyrirtækjum auðlindir
Mest spennandi kosningar í áratugi
„Mér finnst Halla Hrund svona Vigdísarleg“
Fiskikóngurinn: „Mér fannst sárt að heyra það“
Katrín: Jóhönnustjórnin talaði máli Íslands