Mikill eldur er á hinni sögufrægu bryggju „Pier 45“ í Fishermans Wharf í San Francisco. Rúmlega 150 slökkviliðsmenn reyna að ráða niðurlögum eldsins, sem hefur nú gleypt í sig um fjórðung bryggjunnar.
Einn slökkviliðsmaður hefur verið fluttur á sjúkrahús, en samkvæmt CNN var bryggjan rýmd ásamt íbúðar- og atvinnuhúsnæði í nágrenni hennar.
Tilkynnt var um eldinn klukkan 4.17 að staðartíma, eða um 11.17 í morgun að íslenskum tíma, en upptök eldsins voru í vörugeymslu á bryggjunni. Á suðurhluta bryggjunnar hrundi bygging og tvær aðrar byggingar standa einnig í ljósum logum.
Slökkvibátur er nýttur til að vernda hið sögufræga herskip SS Jeremiah O'Brien fyrir eldunum, en skipið var smíðað í síðari heimsstyrjöldinni.
Ekki liggur fyrir hvort einhver var inni í vörugeymslunni þegar eldurinn kviknaði, en samkvæmt yfirvöldum nota margir heimilislausir einstaklingar geymsluna sem gististað. Yfirvöld fara nú yfir öryggismyndavélar á svæðinu til að kanna eldsupptök.
UPDATE Four-Alarm Warehouse Fire Spreading on Pier 45 (North Waterfront, San Francisco) 📲 Live on @CitizenAppSFO https://t.co/eGWySDD5gs
— SAN FRANCISCO FIRE DEPARTMENT MEDIA (@SFFDPIO) May 23, 2020
Fire is raging on SF Pier pic.twitter.com/UEpQIDxJsn
— Dan Whaley (@dwhly) May 23, 2020
During this fire at pier45, the SS Jeremiah O'Brien a Liberty ship built during World War II and named after the American Revolutionary War ship captain Jeremiah O'Brien was saved from burning. pic.twitter.com/ykhY3rKCex
— Reyna Harvey (@ReynaHarveyB) May 23, 2020