Grímuklæddur Biden aftur á meðal almennings
Setja bókamerki
Joe Biden, forsetaefni Demókrataflokksins, kom í fyrsta sinn í dag fram á meðal almennings í rúma tvo mánuði. Hann var með svarta grímu fyrir andlitinu er hann lagði blómsveig til að minnast fallinna bandarískra hermanna.
Biden kom síðast fram opinberlega 15. mars er hann mætti fyrrverandi andstæðingi sínum Bernie Sanders í kappræðum í sjónvarpssal. Engir áhorfendur voru þó í salnum.
„Það er gott að vera kominn út úr húsi,“ sagði hinn 77 ára Biden, sem hafði dvalið á heimili sínu í Wilmington í Delaware vegna kórónuveirufaraldursins. Að sögn Biden fóru hann og eiginkona hans aðeins í stöku göngu- og hjólreiðaferðir á meðan þau voru heima við.
Frambjóðandinn virðist ófeiminn við að nota grímu á almannafæri, öfugt við Donald Trump Bandaríkjaforseta sem hefur ekki enn látið sjá sig opinberlega með grímu.
Skar höfuðleðrið af íslenskri konu
Sex hafa greinst með listeríu
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“
Tveir í bílnum sem lenti utan vegar
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi