Frans páfi segir að það sé ekki líðandi að bregðast ekki við kynþáttahatri. Páfi lét þessi ummæli falla í dag í kjölfar drápsins á George Floyd í Minneapolis. Hann fordæmir ofbeldið sem hefur fylgt í kjölfar mótmælanna undanfarna daga.
Að sögn Frans páfa næst ekkert fram með ofbeldi. Hann segist biðja fyrir Floyd og öllum þeim sem hafa látist vegna synda kynþáttahaturs.