Stærsti fellibylurinn í 70 ár gengur á land
Setja bókamerki
Yfirvöld í Mumbai á Indlandi hafa óskað eftir því að fyrirtækjum og verksmiðjum verði lokað og fólk haldi sig heima við vegna fellibyljarins Nisarga.
Hann er sagður sá stærsti sem hefur gengið yfir Indland í rúm sjötíu ár. Búist er við því að fellibylurinn gangi á land í strandbænum Alibag, sem er um 100 kílómetrum suður af Mumbai, síðdegis í dag.
Að minnsta kosti 100 þúsund manns hafa verið flutt á öruggari staði í ríkinu Maharashtra, þar sem Mumbai er höfuðborgin, og í nágrannaríkinu Gujarat.
Á meðal þeirra sem verða fluttir í burtu eru tæplega 150 manns sem eru sýktir af kórónuveirunni og hafa legið á sjúkrahúsi í Mumbai.
Samkomubann hefur verið í gangi á Indlandi vegna veirunnar og þangað til á morgun mega ekki fleiri en fjórir koma saman utandyra.
Sat á þaki byggingarinnar þegar eldurinn kviknaði
„Tíminn er runninn út fyrir Kristján Loftsson“
Fjárfestingin 115 milljarðar króna
„Ert þú þá svona latte-lepjandi hjólagaur?“
Starfsfólk gæti fengið reikning frá Skattinum
„Þögnin er ærandi“
Segja yfir 50 þúsund hermenn fallna
Stóraukið fé til samgöngusáttmála