Hafa náð tökum á olíumenguninni

Yfirvöld í Rússlandi kveðjast hafa náð tökum á olíumenguninni sem varð er 20.000 tonn af dísilolíu enduðu í jarðvegi og ofan í á í Norilsk þegar olíutankur gaf sig.

Samkvæmt talskonu yfirvalda hefur tekist að stöðva frekari dreifingu olíunnar út frá því svæði sem mengast hefur.

Frétt af mbl.is

Lýsir yfir neyðarástandi vegna olíuslyss

Olíuslysið varð á föstudag er olíutankur í eigu Nornickel gaf sig. Vladimír Pútín Rússlandsforseti lýsti yfir neyðarstigi í landinu þessa vegna í gær, eftir að hafa ávítað stjórnendur Nornickel fyrir að hafa ekki tilkynnt slysið.

Umhverfisverndarsinnar segja að um stærsta olíuslys sem orðið hefur innan norðurheimskautsbaugsins sé að ræða.

• Blogga um frétt