Lofa afleiðingum vegna áróðursbæklinga
Setja bókamerki
Yfirvöld í Suður-Kóreu hafa heitið því að höfðað verði mál gegn tveimur hópum liðhlaupa fyrir að senda áróður gegn stjórnvöldum í Pyongyang, höfuðborg nágranna þeirra í norðri, yfir landamærin.
Norður-Kórea sleit öllum hernaðar- og stjórnmálatengslum við Suður-Kóreu í gær og hafa stjórnvöld þar í landi heitið frekari aðgerðum gegn nágrönnum sínum.
Stjórnvöld í Suður-Kóreu vinna nú hörðum höndum að því að koma í veg fyrir að ástandið stigmagnist, en nágrannaþjóðirnar eiga enn í formlegu stríði þrátt fyrir að vopnahlé hafi verið í gildi frá 1953.
Í yfirlýsingu frá yfirvöldum í Seúl segir að áróðursbæklingarnir, sem hópar liðhlaupa frá Norður-Kóreu sendu yfir landamærin með blöðrum og flöskuskeytum, brjóti í bága við sáttmála leiðtoga Suður- og Norður-Kóreu og að lögreglu yrði tilkynnt um málið.
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
Vona að Orkustofnun veiti ekki virkjunarleyfi
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi