Ítalska lögreglan hefur endurheimt stolið verk eftir Banksy, í samstarfi við frönsk lögregluyfirvöld, af því er fram kemur á vef BBC.
Um er að ræða mynd sem máluð var á dyr tónlistarhússins Bataclan, og sýndi sorgmædda stúlku, til minningar um fórnarlömb hryðjuverkaárása frá því í nóvember 2015.
Verkið var skorið út úr dyrunum og því rænt af hópi svartklæddra manna í janúar árið 2019, en ekkert hefur spurst af verkinu fyrr en nú.
Blaðamannafundur verður haldinn síðar í dag, þar sem nánar verður farið yfir fund verksins.