Rússar hvetja til stillingar á Kóreuskaga
Setja bókamerki
Stjórnvöld í Rússlandi hvetja til stillingar á landamærum Norður- og Suður-Kóreu eftir að stjórnvöld í Norður-Kóreu sprengdu upp samvinnustofnun ríkjanna sem var staðsett við landamærabæinn Kaesong, á yfirráðasvæði Norður-Kóreu. Myndskeið af sprengingunni má sjá hér að ofan.
„Þetta er áhyggjuefni, við hvetjum báða aðila til að sýna stillingu,“ segir Dmitry Preskov, talsmaður stjórnvalda í Kreml, sem ætla að fylgjast náið með gangi mála.
Sprengingin átti sér stað aðeins nokkrum klukkustundum eftir að yfirvöld í Norður-Kóreu hótuðu að beita hervaldi gegn nágrönnum sínum í suðri á nýjan leik.
Húsnæði samvinnustofnunarinnar hefur verið mannlaust og yfirgefið síðan í janúar vegna kórónuveirufaraldursins en Kim Yo-yong, systir Kim Jong-un, leiðtoga Norður-Kóreu, lýsti því yfir um helgina að „gagnslausa stofnunin myndi brátt hrynja“. Stofnuninni var komið á laggirnar árið 2018 og átti að stuðla að betri samskiptum og samvinnu ríkjanna.
Spenna í samskiptum ríkjanna hefur færst í aukana undanfarnar vikur, meðal annars eftir að norðurkóreskir liðhlaupar voru sakaðir um senda áróðursblöð og bæklinga yfir landamærin. Norðurkóresk stjórnvöld urðu ævareið vegna þess og hótuðu að beita hernum.
Innviðir þandir og álagið „gríðarlegt“
Hyggjast leyfa fólki að skoða gosið
29 nautgripir fundust dauðir
Segjast hafa skotið niður langdræga sprengjuvél
Bjarkey stendur við skammarbréf Svandísar
Ísraelar hefna árásarinnar
Færa slökkviliðið til nútímans
/frimg/9/40/940831.jpg)
Telur eyðsluna munu rjúka upp úr öllu valdi