Þeir gestir sem fá að upplifa þann heiður að koma á fund Vladimír Pútín Rússlandsforseta þurfa að ganga í gegnum sérsmíðuð göng eða klefa sem úðar sótthreinsunarefni á þá áður en þeir hitta forsetann. Er þetta gert til þess að lágmarka áhættuna á því að forsetinn smitist af COVID-19.
Rússneski fjölmiðilinn Ria Novosti greindi frá þessu í gær og birti myndir og myndskeið af göngunum sem hafa verið sett upp í forsetabústaðnum í Novo-Ogaryovo í Moskvu þar sem forsetinn dvelur alla jafna. Pútín hefur verið í sjálfskipaðri einangrun eftir að hafa mætt á viðburð 12. júní án andlitsgrímu.
В резиденции Путина для защиты от коронавируса установили специальный туннель. Он предназначен для дезинфекцииhttps://t.co/jjwWbuZ2EX pic.twitter.com/h62KWARvsr
— РИА Новости (@rianru) June 16, 2020
Fyrirtækið sem hannaði og smíðaði búnaðinn framleiðir sjálfvirkan hreinsibúnað sem helst er notaður í atvinnurekstri. Göngin sem fyrirtækið smíðaði fyrir forsetann úðar ekki einungis sótthreinsunarefni á þá sem ganga í gegnum þau heldur mælir það líkamshita og er búið andlitsgreiningarbúnaði.
Strangar reglur gilda um hverjir mega hitta forsetann og hvenær en öllum er gert að fara í sýnatöku áður.
Rúmlega 540 þúsund smit hafa greinst í Rússlandi samkvæmt gögnum John Hopkins-háskólans og 7.174 hafa látið lífið.