Vilja prófa munnvatnssýni úr íbúð McCann aftur

Húsið sem Christian B bjó í í Portúgal þegar McCann …
Húsið sem Christian B bjó í í Portúgal þegar McCann hvarf. AFP

Þýskir rannsóknarlögreglumenn vilja að munnvatnssýni sem fannst í orlofshúsinu þaðan sem Madeleine McCann hvarf sé skoðað á nýjan leik. Portúgalskir rannsóknarlögreglumenn hafa ekki fundið neitt DNA úr Christian B, þýska fanganum sem nú er grunaður um að hafa komið að hvarfinu, sem tengir hann við málið.

Á þeim þrettán árum sem liðið hafa síðan sýnið fannst hefur lögreglunni ekki tekist að finna neitt DNA í því. 

Mynd af hinum grunaða sem þýskir fjölmiðlar kalla Christian B.
Mynd af hinum grunaða sem þýskir fjölmiðlar kalla Christian B. AFP

Nauðsynlegt sönnunargagn

Þýsk yfirvöld telja að vísindamenn þeirra ættu að framkvæma sínar eigin rannsóknir á sýninu vegna þess að þeir telja að sýnið sé mögulega nauðsynlegt sönnunargagn sem geti hjálpað þeim að renna stoðum undir grun sinn um að Christian B sé sá seki. 

Portúgalska lögreglan er þó ólíkleg til að senda sýnið til Þýskalands, meðal annars vegna nýlegrar gagnrýni Hans Christian Wolters, þýska saksóknarans í Braunschweig. 

Hann sagði í síðustu viku að portúgalska lögreglan teldi enn að foreldrar McCann væru ábyrgir fyrir hvarfi dóttur sinnar. Hún hvarf úr orlofsíbúð þeirra í Portúgal árið 2003. Portúgalska lögreglan útilokaði foreldrana þó sem grunaða árið 2008. 

Frétt Sky News

mbl.is
Fleira áhugavert
Fleira áhugavert