Kína ákærir Kanadamenn fyrir njósnir
Setja bókamerki
Kínversk stjórnvöld hafa nú ákært tvo Kanadamenn fyrir njósnir, meir en 18 mánuðum eftir að þeir voru hnepptir í varðhald. Michael Kovrig, fyrrverandi erindreki í Kína, og Michael Spavor, kaupsýslumaður, hafa verið í haldi í Kína síðan í desember 2018.
Handtöku þeirra bar að nokkrum dögum eftir að Meng Wanzhou, framkvæmdastjóri innan kínverska tæknirisans Huawei var handtekinn í kanadísku borginni Vancouver, að beiðni Bandaríkjamanna.
Kanadísk stjórnvöld hafa kallað handtökurnar handahófskenndar en stjórnvöld í Kína neita því að um væri að ræða hefndaraðgerðir vegna handtöku Meng.
Bæði Kovrig og Spavog voru ákærðir fyrir að hafa „njósnað um ríkisleyndarmál“ og veitt „utanaðkomandi aðila“ leynilega þjónustu.
Dómskerfi Kína er algjörlega stjórnað af kommúnistaflokknum og hefur dómurinn næstum 100% sakfellingarhlutfall þegar sakborningar eru ákærðir.
Aukin tíðni þungunarrofa hjá yngsta aldurshópnum
Hafa samþykkt kaup fyrir um 9,2 milljarða
Kvikan virðist nú skiptast til helminga
Fjárfestingin 115 milljarðar króna
Benda á Samgöngustofu sem bendir út í heim
Innviðir þandir og álagið „gríðarlegt“
Myndskeið: Braut rúðurnar og rölti svo í burtu