Hætta við hernaðaráform á hlutlausa svæðinu
Setja bókamerki
Yfirvöld í Norður-Kóreu hafa hætt við að senda herlið inn á hlutlausa svæðið sem aðskilur ríkið frá nágrönnum sínum í Suður-Kóreu. Ríkisfjölmiðlar í Norður-Kóreu greindu frá þessu í gærkvöld.
Afar stirt hefur verið í samskiptum ríkjanna síðustu vikur, ekki síst eftir að Norður-Kórea sprengdi í loft upp samvinnustofnun ríkjanna sem var staðsett við landamærabæinn Kaesong, á yfirráðasvæði Norður-Kóreu. Stofnuninni var ætlað að bæta tengsl landanna tveggja.
Norður-Kórea hefur einnig látið fjarlægja hátalara á landamærunum sem notaðir voru til að dreifa áróðri.
Laura Bicker, fréttaritari BBC í Seoul, segir sérfræðinga í stjórnmálaástandinu á Kóreuskaga nú velta fyrir sér hvort atburði síðustu vikna megi rekja til eins konar valdabaráttu milli systkinanna Kim Jong-un, leiðtoga Norður-Kóreu, og Kim Yo-jong.
Þannig sé Kim Jong-un að leika „góðu lögguna“ á meðan systir hans vilji sýna að hún, rétt eins og bróðir hennar, geti sýnt óútreiknanlega hörku. Það gæti komið sér vel í samningaviðræðum framtíðarinnar þar sem áformum um að beita hernaði í Suður-Kóreu hefur verið slegið á frest en ekki aflýst.
Hernaðaraðstoð samþykkt – Vopnasendingar í vikunni
Handtekin eftir að tvö börn fundust látin
Æskuvinur Íslendings myrtur í Noregi
„Okkur miðar í rétta átt“
Skemmtiferðaskip hætt komið nærri Viðey
Veiting hvalveiðileyfis ekki brot á EES-samningi
Verðbólgan komin niður í 6%
Vona að Orkustofnun veiti ekki virkjunarleyfi